QIVIUMIIT KIINNAMUT

Meqqusaallip ilisarnaataa siulleq qiviunnguuvoq oqitsoq kusanartorlu. Kisianni atiata isumassarsiarineranik oqaluttuartuunani. Ilisarnaatip nutaap siulitsinnik ataqqinninneq, pinngortitap nukii anersaallu sernissuinerat imarivai.

Atsiinermi toornamik Meqqusaalimmik oqaluttuatoqaq pissutaavoq. Meqqusaallinngooq inuit atisaminik qiviulimmik angakkuakkamik illersorsinnaavai. Inuit anersaallu suleqatigiissinnaanerannik oqaluttuaq nuannersoq.

Siulitsinnilli oqaluttuarsiatsinni toornap isikkuanik oqaluttuat ingasagisassaanngillat. Taamaattumik Meqqusaallip kiinaata ilusilernisaa ajornakusoorpoq. Inuit qanga kiinarpaliaat, tupillat titartakkallu isumassarsiorfigaavut. Taamaalillugu ilisarnaat Meqqusaalik takorluukkatut qanoq issinnaaneranik ilusilerneqarpoq: timmiaq aamma inuusinnaasoq. Qungujulaartoq inussiarnersorlu. Meqquusanik illersuisunik assalik. Ilisarnaat kalaallit tarningannik ileqqutoqaannillu qanillisitsisoq, pinngortitamilu issittumi peqqarniitsumilu illersorniarluni aarnuaqartarnermik ersersitsisoq.

Taamaalilluni Meqqusaalik nutaamik ilusilersuinerinnaanngilaq. Arrnuatulli nutaaliaasutut atisanut tamanut mersuussimavoq.

Ilisarnaat nutaaq KNI marketingip Marketsquareillu Københavnimiittup suleqatigiinnerisigut. 2023-mi ukiaagaa Meqqusaalik Cresta Award-imit ilusilersukkatut pitsaanerpaatut nersornaaserneqarpoq. Cresta Award nunat tamat akornanni piseqqusaarinermi ilusilersuinermilu suliat pitsaanersaannut nersornaasiunneqartarpoq