Inuttut paasissutissat, Cookiesillu pillugit politikki

Nittartagarput iserfigigukku paasissutissat ilinnut tunngasut nittartakkatta imarisaanik naleqqussaanissamut pitsanngorsaanissamullu, quppernermilu ussassaarutigineqartartut pingaassusaasa annertusarneqarnissaannut atorneqassallutik katersorneqartarput. Paasissutissat ilinnut tunngasut katersorneqarnissaat kissaatiginngikkukku, cookies peertariaqarpatit (tamanna pillugu ataani paasissutissaqarpoq), quppernerlu anillaffigalugu. Paasissutissat suut katersorneqartarnersut, siunertaa, paasissutissanillu avataani kikkut takunnissinnaanersut tulliuttumi itisilerparput.

INUMMUT PAASISSUTISSAT
INUMMUT PAASISSUTISSANIK KATERSINEQ

Paasissutissanik ilinnut tunngasunik katersisoqartinnagu ilisimatinneqaqqaartuassaatit. Paasissutissat ilinnut tunngasut katersukkagut assersuutigalugu tassaasinnaapput aqqit, e-mailadressit, najukkat, oqarasuaativit normua, paasissutissallu illiuninnut assingusut.

INUMMUT PAASISSUTISSANIK ATUINEQ

Paasissutissat inummut tunngasut tulliuttunut atatillugu katersorneqartarput, atorneqartarlutillu:

• Nittartakkatigut pisiniarfitsinni allatsitat isumaginissaannut:
• Allatsitat uppernarsaataat
• Allatsitanut uppernarsaatip nassiunnissaanut
• Allatsitat nassiunnissaannut
• Amigaatit maalaarutiginissaannut
• Utertitsinissaq
• Nittartakkatigut pisiniarfitsinni allatsitsinermut atatillugu akiliineq: akiliinermut uppernarsaanermut atatillugu akiliinermi paasissutissat. Paasissutissat paasiuminaallisarlugit, niuerfinnilu malittarisassat naapertorlugit nassiunneqartarput.

Erseqqissaatigissavarput, akuersiteqqaarnak ilinnut attaveqarnissatsinnut inatsit periarfissiisimanngippat, siuliani erseqqissumik akuersisimaguit paasissutissat katersorneqartut taamaallaat atorneqartarmata.

Siuliani siunertap ataatsip, arlallilluunniit naammassinissaannut paasissutissat atorfissaarukkitsigit, paasissutissat ilinnut tunngasut peerneqassapput. Paasissutissat kinaassutsimut ilisarsisinnaajunnaarsillugit atorneqartussanngorlugit sivisunerusumik pigineqarsinnaapput.

Paasissutissat ilinnut tunngasut allanut ingerlateqqinneqarnissaat akuerisimanngikkukku, paasissutissat ilinnut tunngasut allanut ingerlateqqissanngilagut. Tulliuttutulli pisoqartillugu allanut ingerlateqqinneqarsinnaapput:

Ingerlatitseqqinnissaq inatsisitigut piumasaqaataappat.
Eqqartuussisutigoortitsinermut imaluunniit eqqartuussisutigoortitsisoqaratarsinnaanermut atatillugu ingerlatitseqqinnissaq piumasaqaataappat.
Inatsisitigut pisinnaatitaaffitta aalajangersarneqarnissaannut, atornissaannut, illersorneqarnissaannulluunniit ingerlatitseqqinnissaq piumasaqaataappat.
Inummut paasissutissat KNI A/S-imi nalunaarsorneqassapput, ukiunilu tallimani toqqortaatigineqarlutik, tassanngaanniillu paasissutissat peerneqarlutik.
Taassumap saniatigut suliffeqarfippaaluit paasissutissanik toqqortaateqarlutillu atuisartut suleqatigaagut. Uagut kisitta sinnerluta suliffeqarfiit paasissutissat taamaallaat atortarpaat, namminnerlu siunertaminnut atoqqusaanagit.

EU-mi, nunaniluunniit allani paasissutissanik ilinnut tunngasunik naammattumik illersuisinnaallutik paasissutissanik suliaqartartut kisiisa suleqatigaagut. Meqqusaalik.gl-imi KNI A/S paasissutissanut akisussaasuuvoq.

Paasissutissat ilinnut tunngasut atornerigut paasitinneqarnissannut pisinnaatitaaffeqarputit.

Isumaqaruit paasissutissat eqqunngitsut, iluarsineqarnissaannut pisinnaatitaaffeqarputit. Paasissutissat ilinnut tunngasut peerneqarnissaannik nammineerlutit noqqaassutigisimagukku, pisut ilaanni paasissutissat ilinnut tunngasut piissallugit pisussaaffeqartarpugut. Imaassinnaavoq assersuutigalugu paasissutissat ilinnut tunngasut siunertarisimasatsinnut pisariaarussimappata. Inatsit unioqqutillugu paasissutissat ilinnut tunngasut atorneqartut isumaqaruit, attavigisinnaavatsigut. Uunga allaffigisinnaavatsigut: shop@meqqusaalik.gl.

Isumannaassuseq

Suliffeqarfissuup iluani ingerlatseriaatsigut isumannaatsuutitsineq pillugu politikkitigut qaffasissumik malittarisassaatitsinnut naammassinninnissaasa qulakkeerneqarnissaanut, isumannaallisaanerit atuutsilersinnikuuagut, paasissutissallu nalunaarsukkagut isumannaatsumik toqqortaatigineqartarlutillu atorneqartarput. KNI A/S-imi sulisut imaluunniit suliffeqarfissuup avataani suleqatigisat tatigisat kisimik, ilitsersuusiatsinnut naapertuuttumik illit pillutit paasissutissaatitsinnik atuisarput. Taamaalilluta paasissutissat ilinnut tunngasut pitsaassusiisa illersorneqarnissaat, ataqqineqarnissaallu sapinngisamik anguniarparput.

Paasissutissat ilinnut tunngasut atornerlunneqannginnissaat qulakkeerumallugu, atuisutut paasissutissatit, isissutitillu allanut tunniuttassanngilatit.

Paasisaqarneq, maalaarutillu

Paasissutissat ilinnut tunngasut atukkagut paasisinnaatitaavatit, taamaattoq inatsisitigut aalajangersagaasut ilanngunnagit. Paasissutissanik ilinnut tunngasunik katersineq, atuinerlu aamma maalaarutigisinnaatitaavat. Taassumap saniatigut paasissutissat ilinnut tunngasut iluarsineqarnissaat pisariaqassappat, iluarsitissinnaatitaavatit.

Paasissutissat ilinnut tunngasut nalunaarsorsimasagut nutarterneqassasut, allanngortinneqassasut imaluunniit peerneqassasut kissaatigigukku, uagutsinniillu nalunaarutinik tigusisarunnaarnissat kissaatigigukku imaluunniit siuliani malittarisassanut tunngatillugu apeqqutissaqaruit tulliuttoq aqqutigalugu attavigisinnaavatsigut:

KNI A/S

Postboks 319

3911 Sisimiut

Kalaallit Nunaat

Oqarasuaat: +299 862 400 piffissami ataasinngornermit tallimanngornermut nal. 8:00 – 16:00

E-mail: shop@meqqusaalik.gl

Cookies

Nittartakkami cookiesinik atuineq

Nittartakkatsinni cookies atorpagut. Nittartakkap ingerlalluarnissaanut cookies pinngitsoorneqarsinnaanngillat. Taassumap saniatigut nittartagarput illit pisariaqartitannut, soqutigisannullu ataavartumik pitsanngorsarsinnaaniassagatsigu, nittartakkatsinnut isertarnivit misissornissaanut cookies iluaqutaasarput. Assersuutigalugu allatsinniarlugit toqqarsimasatit, siornatigut nittartakkamut isersimanersutit, atuisutut isersimanersutit, nittartakkamilu oqaatsit suut toqqarsimaneritit cookies eqqaamasarpaat. Ilinnut naleqquttunik ussassaaruteqarnissatsinnut cookies aamma atortarpagut. Taamaalilluni ataatsimut isigalugu nittartakkatta imarisaa sapinngisamik ilinnut naleqqutsinniarlugu cookies atorneqartarput.

Cookiesinik atuinnginneq imaluunniit peersineq

Qarasaasianni, tabletsinni imaluunnit oqarasuaatinni angallattakkanni browserimi toqqagassat allanngortinneqarnerisigut cookies atorneqassanngitsut qinersinnaajuaannarpat. Toqqagassat sumiinnerini browseri suna atornerit apeqqutaavoq. Taamaattoq eqqumaffigissavat, nittartakkami toqqarsimasavit eqqaamanissaanut cookies aalajangiisuummata, cookies atorneqassanngitsut toqqarukku atorsinnaasarpaaluit, sullissinerpaaluillu atorsinnaassannginnakkit. Browserinni toqqagassat allanngortinneqarnerisigut, cookies atorneqassanngitsut qaqugukkulluunniit toqqarsinnaavat. Cookies peernissaannut ilitsersuutit, nittartakkamilu uani cookiesit pillugit paasissutissat skærmivit naqqani cookies pillugit paasissutissami takuneqarsinnaapput.