Allatsinniakkannik toqqagaqanngilaq.
UAGUT PILLUTA
Aneerusit kalaallinit ilusilersukkat kalaallit asimi oqorsaatissaat
Sisimiut 4°
Nanortalik 4°
Qaqortoq 4°
Narsaq 6°
Paamiut 2°
Nuuk 4°
Maniitsoq 3°
Aasiaat 1°
Kangaatsiaq 4°
Qasigiannguit 4°
Ilulissat 4°
Qeqertarsuaq 3°
Uummannaq 5°
Upernavik 3°
Qaanaaq 2°
Tasiilaq 4°
Ittoqqortoormiit 1°
ISIKKUMINIIT ILLERSUUTAANERUPPUT
Meqqusaalik tassaavoq kalaallit aneerusiaat asimi kalaallinut illersuutissiaralugu.
Inuiattut kimik ilisimasallu peqqarniitsunik atugaqarluni aniguinissamut kingornussimavagut.
Takorluugassaanngitsut piareersimaffigiuaannarpagut piginnaanivullu atorlugit pinngortitap nalunaarutai paasiniartarpavut ajornartorsiutaasinnaasullu qaangerlugit. Aammali paasiuminaatsuuteqarpugut ilaannikkullu nukinnut taartunut illersuutissarsiortarluta.
Taamaattumik aamma nalunngilarput Kalaallit Nunaanni aneerutsit aqqata nunarsuatsinni sila peqqarniinnerpaaq akiorsinnaagaa. Aammali isitsinnik takusinnaasavut akimorlugit illersuisinnaasoq – qanorluunniit pisoqassagaluarpat. Taamaattumik toornatoqaq atsiupparput: Meqqusaalik, inunnik nuannarinnilluartoq.
PINIARTUT AALISARTULLU MISILITTARSIMASAAT
Meqqusaalik atugassianngorlugu sanaajuvoq. Taamaattumik annoraat siulliit nalitsinni piniartut aalisartullu suleqatigalugit misilittarneqarsimapput, silarlummi, asimi, piniarnermi ulluinnarnilu nungullarsarlugit. Qisuariaataat malillugit iluarsiisarpugut. Tamakku kinguneraat annoraat ullumikkut pisiarisinnaasatit, ilutsillu allat asimi, umiarsualivimmi pisiniarfiliarlutilluunniit atorsinnaasatit.
PITSAASSUSEQ NUTAAQ PERIUSITOQQALLU
Meqqusaalimmik atortillutit annoraasianik ninngusuunik nutaaliaasunik, periutsinillu qangarsuarnitsanik siulitta ukiuni tusintilikkaani pitsanngoriartortissimasaannik illersorneqassaatit. Puisit allallu amii annoraassianik PrimaLoft-inik, merino qiviuinik allanillu anorip isuguttallu pitarsinnaanngisaannik taarserneqarsimapput. Silali, pinngortitap nukingi navianartullu taamanisut ipput.
TARNEQ INGERLAARPOQ
Oqaluttuatoqqani angakkoq nunamut navianartulimmut toornilluni toornaminut Meqqusaalimmukarsimanerartarpaat. Tassaniilluni Meqqusaallip atisaanit qiviuminernik angakkuakkanik pissarsisimavoq, angallavissamini nalunartulimmi illersuutissaminik. Anersaaq taanna Meqqusaallip atisaasa sukutsinnguiniluunniit aarnuatut nutaaliaasutut isip takusinnaanngisaanut illersuutitut ingerlaqqipput. Tassalu sila qanorluunniit ikkaluarpat Meqqusaalimmit illersugaavutit, pinngortitap nukingi ataqqillugit nammineq nukitit malussarinnerillu atorukkit.
